網絡上最紅家族 Kardashians 的大家姐 Kim，過去幾年不斷跟妹妹Kylie 和其他 beauty guru 合作推出不同美妝產品後，今天（21日）將會推出首個自家美妝系列，並把品牌以個人名字縮寫命名：KKW Beauty。
新品真身雖然未見街，但貴為網絡紅人，自 KKW Beauty 面世消息曝光，有關報道已經雄霸網絡版面至少兩星期；但網絡對於「紅人」一向不客氣，由屢次嘲笑 Kim 的橙皮紋巨躉到今勻美妝新品一樣有嘢講，今次宣傳照一出，網民即刻彈佢「矮化黑人」，且看佢又點拆招。
recommended readings
Kim 早已透露 KKW Beauty 首輪主打為 contour kit，據主人家喺Instagram 透露，雙頭 contour 棒會有四款色系並且各有四款顏色（light、medium、dark 及 deep dark）。歐美系列的底妝產品一向多色揀，平心而論今次四色選擇屬非常迎合市場需要。
除了發布產品照，Kim 亦親身上陣試用兼推新品，但網民卻對其側面照有極大反應，當然焦點不再是往時討論她的身材乜乜乜，今次被擺上枱的是膚色！Kim 本身並非走白白滑滑的公主路線，然而今次大頭宣傳相卻被網民評為 “wearing blackface”（意指舞台劇中把白人演員化妝成黑人，有評論指此舉矮化黑人），令沒有此原意的她大為無奈，幸好有網民說她只是看上去比平時 “tanned” 而非 “blackface”。
不過既然有此抨擊，Kim 當然不會就此不理，她在接受《紐約時報》訪問時開腔回應，指拍攝照片時自己真係曬黑咗，有可能只係因為後製時光暗對比影響而令人有錯覺，兼且見街前有俾過唔同行內人同商業界中人睇過，話冇人聯想到 “blackface”。不過佢亦話會吸引到教訓，「無意 offend 到任何人，不過聽到意見後會改善」，所以來緊都會執一執顏色再出街咁話。
We saw the problem, and we adapted and changed right away. Definitely I have learned from it.
意見接受而態度照舊嘅人唔少，今次難得佢肯接受再改進，人氣甚高者如佢，都算係放得下身段。其實 Kim 丈夫 Kayne West 本身係黑人，兩個小朋友亦係混血兒，究竟網民們今次為踩而踩，會唔會有太玻璃心？
recommended readings
文章見街之時，官網仲未有得落單買貨，但一套包含雙頭 contouring 同雙頭 highlight 及雙頭 blending brush 各一的套裝將以 48 美元發售，美國媒體預計開售 5 分鐘會賣出 30 萬盒，過百萬美金應該走唔甩，吸金力驚人！
Comments