一套 NETFLIX 韓劇《魷魚遊戲》，緊張而突顯人性醜惡的故事，引起極大迴響，破紀錄的奪得各國 NETFLIX 排行榜位置。最近大家就熱烈討論港版的演員人選，至於明仔就想港版《魷魚遊戲》有⋯⋯
明仔有咩癖好？今個禮拜 PICK 咩好？
#ALEX 明仔癖
細個識玩，一定係玩「天下太平」，咩嚟？唔識嘢喎你。「天下太平」可以兩個人或者多人玩，玩法好簡單，一開始大家都有四格寫住「天、下、太、平」，你當係最基本 4 條 HP 啦。之後就玩包剪揼，贏咗可以起一支旗，夠 3 支開始可以加保護網、飛機大炮咁，開始攻擊其他對手，直到 4 條 HP 無哂為止。
天下太平
但「天下太平」最好玩地方係，看似有規則，但玩到後期大家都會發癲唔理規則，例如大家都有反彈網，就會話個大炮不斷反彈，唔會死。《魷魚遊戲》如果有「天下太平」，咁一定要有時限，唔係玩到天光都未玩完。
YOU MAY ALSO LIKE…
#CHERIE 明仔癖
喬寶寶 。用了接近十個鐘睇完《魷魚遊戲》，最鍾意阿里，佢傻更更又善良，最後落得咁樣嘅結局真係好可惜⋯⋯ 如果開拍港版《魷魚遊戲》，可搵呀喬寶寶，到時佢嘅胸毛好可能係佢嘅秘密武器之一，雖然暫時未諗到有咩用！
YOU MAY ALSO LIKE…
#CURTIS 明仔癖
零零七入子彈
入子彈。
保護網。
砰砰砰。
YOU MAY ALSO LIKE…
#EELY 明仔癖
挑竹籤
我估大家細個應該都玩過，呢種需要平心靜氣玩嘅遊戲可以有效避免混亂場面，人踩人嘅畫面就更加唔會出現。規則就係挑走一支竹籤時唔可以郁到其他竹籤，需要手仔好定好冷靜。雖然好似好難，但係諗深一層，都可以變相幫你淘汰好多對手⋯
YOU MAY ALSO LIKE…
港式夾糖
對於細個經常夾一大袋軟糖返屋企嘅明仔，呢啲一格格裝住五顏六色嘅「夾糖」絕對係童年回憶。而明仔每次夾糖都會遇到一個問題，就係永遠都會夾超過自己嘅 BUDGET，要逐啲逐啲咁減返出嚟，好鬼尷尬。
明仔覺得港版魷魚遊戲可以將「椪糖」一幕換成港式夾糖，要 EXACTLY 磅夠 $30 先可以過關，相信到時細細粒嘅熊仔糖同埋朱古力豆將會爭崩頭。
Comments