Day 1
又到時裝周！今次時編 Jiff Chung 會每日勤力地將時裝周新奇有趣嘅所見所聞跟大家分享！先來米蘭重頭開場騷──近排紅到爆燈嘅 Gucci！
如果今季收唔到呢張 invitation card，應該會飲恨！佢亦可能係我罕有地會由歐洲空運返香港嘅時裝周入場卷！（對上一張我肯空運返港嘅係 Jean Paul 最後一場騷 Ready to wear 女裝騷嘅紅白藍港姐帶，係咪好羨慕呢？）
佢－係－張－黑－膠－碟嚟㗎！成件事太顛⋯⋯不過又好切合Gucci 的超夢幻浮誇風格，今季繼續意料之內嘅花碌碌刺繡天馬行空哈利波特造型，盡地一鋪，唔存在現實的魔幻造型、童話戲服、花藍、魔術棍、閃爆絲襪笠頭、搖滾 choker chain 狗鏈袋⋯總有一款啱你口味！或者是大家都「餓」得太耐，簡約風吹了幾年，Alessandra 的重口味來得啱哂 timing!
Day 2
1. 真正睇騷睇到瞓
跑騷頻撲加埋jetlag ⋯ 周不時我都一路睇騷一路打呵久，唔係啲衫唔靚，計返香港時間，凌晨3點開騷，點會唔想瞓？好彩今次PRADA場騷佈置到一個屋企咁，觀眾席變成雙人床，仲鋪埋毛毛/牛皮床單添！
Day 2
2.走騷日記：有BEAR萬事足
又係呢隻啤啤熊，讓 Moschino 咸魚翻生，自從時裝界頑童 Jeremy Scott入住 Moschino，徹底將品牌舊有的 chok 爆女神style 、化為今時今日非常過癮的icon！FW17 以舊紙皮、膠袋做主題，天橋上固然好玩抵死，但最抵讚嘅係Jeremy Scott 有生意頭腦，在騷後的after party 找來紙巾界巨人Tempo贊助，推出啤啤態紙巾盒、啤啤熊咕？⋯⋯俾嚟 party 嘅 fashion insider任攬，應該仲可以獲得唔少免費 online feed ＆like添！所以話，食糊就靠呢隻啤。
Day 2
3. 走騷日記：走騷唔小心？
向來似做 drama 多過行騷嘅長面怪樣名模 Anna Cleveland，每次在Moschino 的騷都有獨特又古怪的行騷路線，令人印象深刻！事實上，當你以為她是老模，你可誤會了，老模是她的媽媽 Pat Cleveland，Pat在上世紀70年代第一個跨種族美國人名模，與女兒一樣以長鼻、長臉、長手、長腳聞名，今次滿 18 歲的女兒 Anna 示範如何完美地演釋唔小心踩甩咗啲嘢，想知發生咩事？睇片啦
Day 3
1. MOST WANTED COLOR
天橋造型，總係末來潮流指標，Versace FW17 罕有地為 model 加了鮮色highlight假髮，橙、黃、紅配金，非常搶眼，Gigi Hadid 配黃色長髮，可會給你一點造型的靈感？
Day 3
2. DIVA來了！
Bulgari 的手袋總是將蛇皮玩得出神入花， FW 17 的設計重點以珠寶 DIVA系列為靈感，手袋上的扇形開關扣就是它的記認！唔知點解，不停將開關扣撥上撥下，總是很能過日晨
Day 4
1. 走騷日記：去咗我屋企⋯ FW17 JimmyChoo
浴室、衣櫃、梳妝檯⋯ Jimmy Choo希望讓大家想像走進了他的大宅！古靈精怪，我都想有個這樣的 private wardrobe !
Day 4
2.猜片中人數⋯ FW17 Dolce & Gabbana
衝破有史以來最多模特的紀錄，多人到無位行，再採排都是徒然！Finale模特不停走錯位，片尾震撼！三層都是模特兒嘩媽呀！真是好多媽媽model 囡囡model 熟女 Plus Size mode l連狗 model 都有啊！這天橋上無奇不有！
Day 5
1. 毛孩當道⋯ FW17 Bottega Veneta
BV 罕見的誇張毛孩造型，以高山羊製成，真正毛手毛腳呀！毛褸無返5呎9都唔好諗啦，毛鞋尚可一試你的膽量！
Comments