【專訪】HIP HOP 界另類抒情派：撒野作風 WILDSTYLE RECORDS TRIPLE G

香港 HIP HOP 廠牌撒野作風（WILDSTYLE RECORDS）旗下有多名成員，每位都有不同特式，而當中被稱為「文青」RAPPER 的 TRIPLE G 就如同一頭鹿的存在：他的風格沒有 HARDCORE RAP 的强勁破壞力和煽動力；歌詞不如時下流行的 TRAP STYLE 般躁動高漲；旋律不似 JAZZ HIP HOP 的搖拽自信，主題並非圍繞常見的社會、金錢與性愛，卻是關於青春、人生、夢與過去。

在 Instagram 查看這則貼文

Triple G（@triplegiggle）分享的貼文

TRIPLE G 的英文全名三個字都以 G 作結，因此名字亦由此衍生，中學開始創作，原來啟蒙者是本地獨立 RAPPER HEYO 和台灣的「饒舌詩人」蛋堡。TRIPLE G 對蛋堡的喜愛能從以前的作品中找到蛛絲馬跡，2017 年的專輯《淺藍色的號角》溫柔迷朦的音樂配上叛逆的歌詞帶有蛋堡的「輕饒舌」抒情風格，節拍與歌詞清新而平易近人；不過到今年最新的專輯《小王子》則略顯改變。專輯中的《列車》、《COZY CITY》及《碎碎念》三首單曲的氛圍竟然讓人聯想起坂本龍一以或是細野晴臣的東方傳統與西方流行爵士混為一體的韻味。 「青春嘅列車載著夢，載著痛，載著我嘅十七歲，回憶嘅過去，回到過去，橡皮擦擦去寫錯過嘅句。」TRIPLE G 嘴邊流徜著一幕幕大家都曾經歷過的悔恨、回憶與憧憬，伴隨著歌詞散發著微溫。他就如一頭鹿，溫和卻倔強。

＃HELLO TRIPLE G，你最近都在忙些什麼呢？
最近預備緊11月20號嘅 WILDSTYLE 十週年SHOW，同時處理緊自己第二隻EP，已經步入尾聲了，11月見～

＃你的獨特風格被稱為「文青」RAPPER，你怎樣看待這個封號？
斯斯文文都幾好哈哈！

＃現在最喜歡的說唱歌手是誰？更好奇你最喜歡的 POP-STAR 是誰？為什麼？
一直以來都係推介GRYMEMAN，火氣、BOOMBAP、LYRICS、RHYMES，THE MOST UNDERRATED FAM！POP-STAR 方面，小學開始聽陳奕迅同周杰倫，哈哈哈哈。

＃十秒內想出：三組最常出現在你創作的三個關鍵字！？
青春，夢，人

＃比起2017年的《淺藍色的號角》，今年推出的《小王子》能反映你的成長嗎？能為我們介紹一下《小王子》嗎？

我諗《小王子》係更加貼近而家嘅心境，對於青春嘅課題係回望同學會珍惜。《小王子》係青春系列嘅結局篇，建議大家連著《淺藍色的號角》一齊聽，加埋一齊先係一個完整嘅故事。

＃能分享加入 WILDSTYLE 以來，在創作及生活上的苦與樂？

創作方面，自己出完第一隻專輯《淺藍色的號角》之後，好幸運地多咗人認識自己，演出機會都多咗，好開心自己寫嘅嘢，唱嘅嘢可以令人有共鳴；但伴隨嘅係一段好長嘅自我探索期，因為自己算係一個幾容易知足嘅人，但另一方面就提醒自己唔可以咁，而家咁樣唔夠，要再努力啲努力啲。呢種拉扯持續咗好耐，亦都磨光咗嗰個時候嘅我，令到嗰段日子真係寫唔到歌，我亦選擇暫時離開大家視線，等自己處理好自己先再出返作品，好彩而家已經過咗呢個階段，LET’S GO！

生活方面，一定係認識到一班好兄弟，大家由當初只係創作嘅夥伴去到會互相交託嘅關係，真係得來不易，WILDSTYLE FAMILY，你地知我係講緊你地，WHAT’S UP！另外就係初頭未有咩成績嘅時候，好難同屋企人交代，EVEN傾計，心入面會想男子漢要快啲做到啲成績畀屋企人睇，如果唔係唔知點樣面對佢地。但而家諗返轉頭，都算係一種動力～

＃如何保持「有話想說」的熱情？現在有什麼題材是你特別關注的？

其實只要創作同思考係你日常生活中嘅一部份，而你又係好熱愛嗰件事，自然就會有話想說；譬如你好鍾意踢波，你好鍾意睇書，直覺地就會去做，就會「有波想踢」，「有書想睇」～一直以來我都係想細膩啲去觀察同了解人與人之間嘅相處同關係，人類好簡單又好複雜！

＃音樂是你表達自己的一個很重要的媒介，它帶給你什麼你能想像沒有音樂的人生嗎？

無音樂嘅話我諗我受感動嘅次數會大幅下降，同埋出街嘅時候我一定會帶埋耳筒，唔記得會返屋企攞，所以後果不堪設想！

＃你看到香港近年 HIP HOP 文化風氣有什麼改變嗎？
人數多咗，作品多咗，機會多咗～

＃對你而言，何謂「流行音樂」，何謂「主流」？
我覺得「流行音樂」係一啲流行緊嘅音樂，主流就係大趨勢～佢係一種狀態。

＃對自己未來五年的期望和計劃？
希望自己可以推出好多好多好多作品，除咗音樂上，其他範疇都有機會涉獵、嘗試，YEAH！