著名社會學家Erving Goffman指出人生如戲 (Life is Performance)，人和人相處時總在特定情境帶上特定的面具去配合你的social role。我屋企的社會學家老媽子指出簡單黎講都係人靠衣裝，出黎見人要著得好好睇睇。而計我話今日的trend係人靠衣「妝」，衣著同妝容就係最好的面具去呈現一個最理想的自己！如果碰巧遇上見office工/interview的你，唔好學編者咁攞Goffman黎拋書包住，不如先睇下點樣先化到個presentable得黎又好suitable既見工/面試妝，為自己留下一個好印象！
#千萬不要太厚粉！
明白求職心切的你總想呈現完美的外貌，但千萬不要因此太重手「鋪」太多粉底上面，給人好厚粉的感覺，而且亦能避免融妝的窘境。至於base方面，建議選擇控油texture，即使緊張到臉紅紅出晒汗的你，亦不用擔心臉上分祕過多的油脂令到底妝浮粉！見工妝主要在於遮瑕並不是厚粉，只要將眼底下的萬年黑眼圈及嘴角等暗沉位收好就大功告成！黑眼圈的遮瑕tips在於以橘紅色corrector先退去灰灰黑黑的色素，再打多層用開的遮瑕膏就very good!
＃Less is More
雖然Less is More真的説了一萬遍，但卻是見工妝的不變法則。在眼影方面，比起珠光眼影更適合使用matte色眼影打底，玫瑰金等earth tone顏色更能打造立體感，而且看上去妝感亦會乾淨俐落，眉色方面記得要配合返髮色。超誇張color con同假眼睫毛就真係唔建議，可用一條sharp醒的眼線為自己搶搶fo，至於nude色唇膏未能做到大大提升紅氣色的感覺，所以粉色唇膏更為合適！
＃注意事項
有些注意事項是一定要留意的！面試前先檢查一下牙齒有沒有沾到唇膏，脖子和臉上會不會出現明顯的色差，還有眼線會不會沾到下眼皮的部位！這些很容易忽略的位置分分鐘係扣分位，所以要小心處理。至於髮型方面，可以簡單梳上一個馬尾，如果擔心髮邊過於疏落，可以用shading補上！
雖然話人靠衣妝，但個人發揮都好重要，帶好你的面具present你最好的一面。Anyway good luck la！
Comments