唔係講笑，好多時裝精都會怕自己有日人老珠黃，儲落一堆Gucci、Balenciaga只能收藏着唔到上身。但見到呢位今年69歲、曾是《Harper’s Bazaar》時裝編輯、共40年Stylist經驗，勁到銀髮之齡開Beauty Brand Rodin嘅奶奶級型人Linda Rodin，真係完美示範咩叫越老越有型，只要心態正面、對自己有自信唔妥協，69歲分分鐘仲型過20歲超模。
Linda Rodin現居時裝重鎮紐約，雖然見佢每張OOTD都高貴大方，但其實佢最愛去Vintage二手小店買舊衫，再運用Mix and Match技巧將舊衫大翻新，着裝格言係：「品味是把30美金二手Gucci襯到如無價之寶」，可見有功力的時裝人就是有看穿一件衣物的配搭潛力。再加上佢以永遠偶像Audrey Hepburn為靈感繆斯藍本，再加入年輕時意大利當模特兒時的野性風格，造型中多會加入較有個性比較Loud與Wild的單品，再加上紅唇烈焰，實在係偶像級人物！
當你以為 follow 數過千已是 KOL 就錯晒，呢位真‧KOL 竟可跑嬴 Selena Gomez，無錯，KOL 都有升值行情，成為全球最 high paid KOL 就係美國天后 Beyoncé。
跟據美國數據分析公司 D’Marie Analytics，Beyoncé一個簡單社交媒體平台post，收費竟可高達100萬美金，而且係全球唯一一位 Influencer 突破百萬美元大關的Influencer。前女皇 Selena Gomez 一個 post 雖然都收天價77萬美金，但仍然跑輸 Beyoncé 23 萬。當時可能封為 Queen of Social Media，必然有佢突圍而出之處。Beyoncé懷孕照至今仍然係 IG 上最多likes照片，高達一千萬個likes，而每日新增Follower量為9萬人，難怪能無懸念封上女皇名號。看來品牌於 Social Media 投放資源日漸增加，這股 Influencer 潮將會真的會成為未來主流嗎？
好多人以為化妝師「化幾筆就收幾千蚊，我都識化啦」，但其實化妝師最辛酸之處就係在於化得濃又俾人話無料到，化得自然又落得「無做過嘢」罪名。拍時裝廣告時仲要應付無數個趕死線趕收工黑面明星、模特兒、攝影師，有時 Studio 唔夠人連打燈都要臨時拉夫幫手，好多時無日無夜又周身傷，行內化妝師的辛酸，你又知道幾多？
讀完時裝設計後發現自己好難獨當一面成為設計師，係雜誌社做 Styling Assistant 時，發現自己對Editorial Makeup 有興趣，就決定去拜師學藝。當時半工讀，化妝其實係無得打天才波，好多技巧例如攝影打燈下點化先唔會反光等，有時落錯色 Photoshop 係點都救唔到，並唔係是但去Makeup Counter 買支粉底就搞掂。多數本地上化妝 Full Course 都要上四至五萬蚊，好多學校都聲稱幾單 Job 就搵到返嚟，其實初入行仲要投資一套化妝品用具，就算死慳死抵加埋都貼近八萬，學完後亦無幾張Portfolio 見得人，真正搵到錢可能真係一兩年後，邊有咁易回到本啊…
初入行除非做化妝師助手，又或者去化妝 Brand 做 BA，否則接 Job 都係盲摸摸靠運。好多時做Editorial 都係以俾你儲 Portfolio 得車馬費 500 蚊，有時知你新仲抽你水唔俾現金話過數，最後當然不了了之追極追唔到，所以之前 Facebook 傳新娘化妝師俾新娘走尾數係空穴來風未必無因。好多時新人驚下次無 Job 接或俾人唱，都係一單兩單就算。
有時拍廣告影明星，Book 四個鐘遲兩個鐘，得半粒鐘仲要一路食飯一路化，呢頭攝影師催但個星又唔滿意，星滿意啦客又唔滿意，夾係中間就係化妝師！其實化一個 Editorial 靚底妝至少都要一個至個半鐘，每粒瑕疵都要有心機逐粒遮，你估變魔術咩。如果好似 YouTuber 上粉上到幾吋厚當然易化啦，又貼又薄先難啊，半個鐘又要靚爆鏡，邊有可能啊！
好多時個客唔聽話，不停低頭玩電話，化妝師就要遷就角度不停壓低條腰，好易有工傷！有時想溫馨提示個客抬起頭，仲會受氣畀人話貼錢買難受我應該要遷就佢，有冇人關心過化妝師都有血有肉！行內人幾乎個個都五癆七傷，腰骨移位、肩頸出事，開工時間浮動、食無定時，好多時有人話接一單Job等於人一個月人工，但唔係日日有 Job 接，每個Job都可能上山下海、開早收夜、日曬雨淋，只能用心做好每單Job嘅辛酸又有冇人理解？
試過有模特兒要求用全新未開封唇膏，專業上都係要用化妝掃，但模特兒嫌掃唔乾淨要求直接上咀，其實都應該要考慮化妝師感受，當你用過上咀，就算消毒過後又應唔應該再用在其他人唇上？好多客覺得化妝師只係工人，唔會將心比己諗化妝師處境。好些時候又會覺得妝感唔靚，但化妝師會跟時裝編輯 Order 化，試過有模特兒自己去洗手間轉唇膏色加厚睫毛液，又或者走出街影自拍照結果甩晒返上 Studio，編輯問模特兒，都一定會話屬化妝師責任，只好再重新化過，其實都好冤枉但有時為工作順利都少會出聲。所以做化妝師除了 EQ 夠高、執生夠快、身體要好，並唔係想像中畫兩筆就坐係梳化玩電話咁易！
每次瘋狂辛苦過後，作品被登上雜誌、廣告板，心裡都會覺得非常有成就感，自己又化了一個不用過度 Photoshop 的好妝。其實星唔星級化妝師都只是宣傳吧，希望入行的人最緊要認清自己是否真正熱愛化妝，每個行業都總有牢騷，但只要記得自己熱愛化妝的初衷，無論經歷多番錯折痛苦，都能在自虐中感受快樂吧！
最近有不少的經典回顧都是讓人回味的設計，也會有人覺得「還是以前的好」。不過近年設計多著重商業市場的需要，的確少了對設計該有的熱誠和溺愛，要說設計奇才便要論 Iris van Herpen。Herpen 在荷蘭修讀時裝設計藝術，曾在 Alexandrer McQueen 和 Claudy Jongstra 做過實習，可能深受 McQueen 藝術般的天馬行空設計，認為設計是不存在任何不可能的事情。她的設計作品多半都以磁性面料、氧化金屬、雨傘等非尋常紡織布料，充滿大膽實驗性元素。
最為著名的便是 Herpen 將3D 打印技術與時裝的結合已經達到渾然天成的水平，每件作品都以手工製作，幾乎都沒有使用過縫紉機。2011春夏系列設計，模仿水在冷熱中形成的體態，從液體、柔軟化硬挺的固體，呼應 “Crystallisation” 的主題。看見模特兒穿上立體設計，仿佛她們都被水包圍著，真實感十足，讓人為之驚嘆。能夠毫無顧慮地創造出各種奇妙獨特的設計，幕後功臣是間 3D 打印公司 Materialise 的手筆，而這種「水」的物料同樣來自這件公司開發的熱塑性彈性材料聚氨酯 92A-1。
講完最佳男主角，又點少得最佳女主角？今年最佳女主角新血老戲骨共治一爐。最紅新血必定係《七月與安生》兩位齊齊入圍女主角周冬雨、馬思純，仲有標準靚女湯唯，型爆老氣骨惠英紅與鮑起靜鮑姐，邊個係你心水？
憑《七月與安生》周冬雨可以話係國內新掘起It-Girl，帶半點古典中國美人氣質，但又潮得起有陣反叛年輕精靈味，瘦小身形形容易Carry不同風格，身為90後佢亦勇於試新風格，例如一套Kenzo輕露纖腰都未必人人敢試，佢又真係着出青春個性。雖然具備時裝可塑性，不過走上金像獎大場合，令人好奇到底如何選衣，故此還是保有觀察態度。
同樣憑《七月與安生》入圍的馬思純屬於典型靚女，同樣勝在後生，但風格唔明顯，亦無太多記憶點，相比馬思純較似鄰家女孩宅男女神。看來品味亦偏向一般偶像清純甜美，金像獎當晚亦多數會揀甜美晚裝，風格不會太突出，但通常甜美上紅毯都好易有時裝車禍，筆者覺得着裝上周冬雨應該較有睇頭。
憑《幸運是我》入圍的英紅姐身型夠高挑，打女格肩臂線條靚，兩年前金像獎一套透視黑裙裝修身又有膽，夠高貴又唔老土，真係好唔錯。出道40年老戲骨始於係有功力，雖然仍時有失手，但只要揀剪裁俐落又唔會拖泥帶水顯老款，最有型格就係佢。又例如佢只係着返影今年金像獎特刊套褲裝，都已經嬴晒，今年筆者真心睇好英紅姐。
憑《北京遇上西雅圖之不二情書》的湯唯一向公認係大美女，但時裝功力就少有令人難忘。每次紅地毯相見，多數都係乖乖安全牌，唔會出事但亦唔會令人驚豔，四平八穩簡單一件大方晚裝就過骨。相信今年亦唔會例外，應該都係無咩睇頭，如果揀中件修唔到身，分分鐘時裝車禍有佢份。
星級造型師及 Fashion Blogger — Faye Tsui
我對配飾的喜好其實很平均，近年每季入手鞋和袋的數量都差不多。剛去完Paris，就買了六對鞋同三個袋。首飾如戒指、手鈪，我都鍾意，近兩季都會選購幼身款式。
我買袋的宗旨是要mutli-purpose，手袋的設計最好多變化，尤其去fashion week，不能帶太多東西，但又想造型有變化，例如拆除肩帶可當clutch用，配上袋帶又可襯jeans，或者在袋上加些charms，去任何場合都襯到。
戒指。我每日都會戴六至七隻戒指，不是因為潮流關係，而是我一直都喜歡戒指。如果出門後至發現忘記戴，全日就會覺得不自在，好似冇咗身體一部分！若然趕得切回家，都一定會回去戴番。
由於帶不到太大量的配飾，我會選擇多帶太陽眼鏡。每次要去十幾日，一般都會帶十五至二十副，隨手可拿來配襯任何造型，而且又可被人第一眼catch到。以前會帶定幾對鞋襯衫，play safe，點知去度又係買好多，所以依家會帶少啲，着新貨好過。
潮人風水師、插畫師 — ThierryChow
以前最愛鞋和手袋，但近年轉向喜歡首飾，尤其頸鏈和耳環，專登去穿多幾個耳窿，就是為戴多幾款耳環。特別愛好punk風格的設計，如銀製、stud款式和choker。
Gucci手袋和鞋，今季款式好突出，玩得好colourful，好欣賞它的顏色設計。ApmMonaco首飾，今季設計好靚，款式多又affordable。
我比較注重顏色方面的配搭，全身服飾一定要有beige色；或是穿了白色，就會配上黑色，講求整體色tone要match。其實一件簡單的T恤，配襯一至兩件首飾，已經係一個很好的配搭。
我會教人著多些適合自己顏色的服飾，我自己都會，但就不會日日刻意去配色。我的命格要金和水，好啱佩戴金飾，可能因此我對首飾有濃厚的愛好。
— Stephanie Wong
與丈夫Riyo Leung合力創立RNC Online Fashion Store，專責銷售及市場推廣工作，並身兼品牌專用模特兒，親自示範自家品牌服飾。兩夫婦更定期於YouTube Channel分享時裝心得及生活點滴。
要塑造個人風格，有一半至七成取決定配飾。我喜歡中性、簡約、有對比感的打扮，因此會將焦點轉移到鞋、袋，將整體風格再昇華，例如一件中性的白恤衫，加上配飾會較為feminine。
最喜歡手袋。我喜歡發掘故事，欣賞產品的造工，也沉迷於品牌歷史，有些袋的品牌由造行李箱、槍袋起家，令我很有興趣去了解箇中演變。由於我喜歡classic，無論哪個品牌都選最經典的袋款，其次是多功能，手挽加上膊最理想，size要不大不小，像某品牌25或30尺碼最合我心！
每次買袋時我都對自己講會用一世，這是我的口頭禪！現時用得最耐的大概有六、七年。大品牌的袋我差不多都有一個，總共約十多個。但個人最愛的品牌反而未買，一來售價五萬多元實在太貴，二來每次當我有五萬元的時候，又會在其他方面花掉。
自嘲是一種智慧，是豁達、自信和大氣的表現，有人更認為是幽默中的最高層次，只有聰明人才懂得自嘲藝術。而Victoria Beckham，肯定是聰明人。話說早前她在L.A機場被狗仔隊拍到的一張照片，被媒體大肆報導，而焦點，是她身上一件自家品牌的春夏季T恤，精彩之處，是T恤印有 “Fashion Stole My Smile” 這句slogan。這張照片，Victoria Beckham一如以往貫徹黑面神表情，加上這件T恤，非常有說服力，簡直是完美示範。
有關她吝嗇笑容，時常在鏡頭前黑面的負面報導，多年來都未停過。雖然已經被標籤，但身經百戰，做大事的Victoria Beckham，又怎會介懷這些芝麻綠豆小事。藉著一件T恤slogan來自嘲一番，輕輕插自己一刀，亦幽默地將罪名禍嫁給時裝，最重要是告訴大家別枉費心機奢望她臉上會有笑容，簡單直接又得體。一下子，我忽然覺得她的黑面都是理所當然。
照片曝光後翌日，Victoria Beckham品牌官網的同款白色T恤火速售罄。
2015年Marc Jacobs因為與同志網友調情而誤將個人裸照上載到instagram，事件引起廣泛討論，不過Marc Jacobs並沒有因此而覺得丟臉，相反，他更推出了一款T恤，並印有當時那句調情留言〝It’s yours to try〞，以自嘲來幽自己一默，高招。
2001年12月荷里活女星Winona Ryder在比華利山Saks Fifth Avenue百貨公司偷竊名牌服飾被捕，事件引起廣泛報導。報導指當中被偷竊包括了Marc Jacobs的服飾，而聰明的Marc Jacobs，隨即邀請她擔任03年春夏廣告代言，而廣告概念是她披著一頭凌亂頭髮，在酒店房間興奮地展示一大堆名牌戰利品。這廣告在出街之後當然引起不少迴響，因為畫面都令人想起Winona Ryder的偷竊案。但Winona Ryder獲Marc Jacobs邀請時，明知廣告內容有爭議性都毫不猶豫便答應，無懼輿論，換了是香港明星，第一時間已經推掉。
2015年Anna Wintour在清淡節目《Late Night with Seth Meyers》的短片中客串，以幽默及自嘲手法演繹一位非常霸氣和不苟言笑的女上司，完完全全演活了真實的Anna Wintour。最難得是她完全不介意被標籤。
2008年村上隆在Brooklyn Museum 舉行大型展覽，而Louis Vuitton也有份參與，他們除了在場館設立pop-up store，更將戶外場地佈置成唐人街Canal Street賣假貨的攤檔。LV一直以來嚴打冒牌貨，對中國奸商恨之入骨，但竟然自降身價，將自己的真貨扮成冒牌貨，夠膽這樣幽自己一默，對LV這個超級品牌來說算是一個突破。
你的攝影風格？
拍攝的意念通常是來自日常生活，例如有時在街邊看見一些石頭，或者奇怪的structure，都能成為我的創作靈感。除了影時裝相以外，我也喜歡 documentary，喜歡周圍去找一些陌生人傾偈，聽聽他們的故事及幫他們拍照。
這輯相的概念怎樣來？想表達些什麼信息？
這輯相的靈感是來自舊版《Chocolate Factory》最尾那一幕，那個場景有部電視機。為何我會用一個大衞像加一部電視機呢？因為大衞像總讓人覺得是一個完美的化身，但是我會在電視機內穿插打爛這個大衞像的畫面，我想表達打破一些舊有美學的感覺。因為我覺得卡地亞這個系列是有點打破傳統，從日常生活中常見擷取出來的東西，如鐵釘，都算幾打破傳統。我也想探討真實與虛幻virtual reality 的關係，正如大家今天去看artwork，都可能不是去畫廊看的了，而是透過電腦上Pinterest等等，之前我看過一個作品叫《This is not a pipe》，今次當着這張相片，我們看的到底是不是一個pipe？這些問題有點形而上，也是我想探討的。
Coworking作為新興工作模式，你認為是年輕一輩的熱潮嗎？
一時時，有時係會自己諗晒所有idea，亦都會同其他人一齊合作、一齊諗；有時會跟造型師、道具師一起想，比較多情況下是跟人合作，自己一個是做不來那麼多事情的，一定要一班人一起來完成。我的工作室也是跟幾位朋友一起夾租的，他們有些是拍片的、有些剪片的，有時做完一個project，坐低交流傾吓偈，從中也會有所得着。今時今日年輕人多數會喜歡在一個coworking space情況下工作，正正因為香港租金高昂，自己一個負擔不來，我覺得這是好事。
可否說說出道以來最難忘的一次工作經驗？
去年12月幫台灣一本雜誌拍攝，在大帽山影一班小朋友，我計劃好怎樣影、構圖如何等等，但是小朋友是不會聽你的，反而我要追住他們來拍，但出來效果卻十分自然。通常我們拍攝的是模特兒，都會聽我們指示擺甫士，但小朋友不會受你控制，卻很有創造力，這啟發我應勇敢突破好過平時固有的一套。
工作上最怕遇上的情況？
我很怕一些太過商業的東西，平時都比較喜歡一些有創造性、有發揮空間的東西，最怕純粹撳掣的機械式工作模式，因為我覺得攝影師並不是一名相機操控員，但有時都沒辦法，這樣的情況當然也發生過，唯有日後盡量避免。
攝影師可算是原祖之一。他們既能一人獨創，但更多時候，需要跟不同單位磨合，以達成每一個或藝術或商業，甚或社會服務的成品。當中，面對的人與事多不勝數，概念用於高級珠寶，玩法更新，卡地亞找來四位專業攝影師各以自家拿手風格，對準同一個女模，同一個場景去發揮所長，是挑戰，也是顯功夫的時候。及後他們的經驗之談，也許可以啟發你我對於現世代一種所謂「新興」的工作模式的新看法。
我自己想像空間比較大，加上一直唔滿意現實，好想透過相片去營造一個理想世界，即是將一個fantasy world變成一張又一張相，當中沒什麼特別宏大理念，好隨心。
我好鍾意將兩種唔同層面唔同級數的東西放在一起，譬如遇到一些名貴飾物，我就會用一種好隨意的方法去處理，或者加點社會角度，將一些尋常的東西放在一起，營造對比。今次，我利用一個女仔不修邊幅的模樣，場景打造成春日早上，角度是她起牀後不經意地戴上珠寶所帶出來的相對感覺。
Coworking space是trend，以人出發的話，一路以來也有cowork這種合作模式，以前可能叫做team work。若在外國，一班嬉皮士齊齊走去「山旮旯」地方，自給自足只為做自己喜歡的創作，這也是cowork，只不過，時下事事皆要hashtag，就有了cowork這個所謂專屬名字出現罷了。大前提是你要好幸運地遇到一班有默契、有火花的人在一起，這要好好彩，不是人人都可以夾得好嘛！
很感恩曾經合作過一些人，他們不止創作、體力勞動共事共擔，兼且願意顧及我作為一個「人」的感受。一班團隊合作，除了互相提議新角度，還應該留意別人的感受，有時我自己遇到難過關口，要自己去「啃」，但那一次經驗，便是對方懂得進一步關心和體諒，這比創作火花，更顯珍貴，而這種元素。Cowork不止大家一齊去做或去賺錢，而是一齊成長，難又一齊過，好又一齊過。
口不對心，講到天花龍鳳，落手去做卻是兩碼子事。如果你能夠成功說服我，相信你的做事手法、成果，即使被你打一巴，我都心甘情願，否則，只得個講字，我唔鍾意。其實，我比較喜歡一人做事一人當，怕煩，唔想太多解釋，又唔想別人知道我腦想什麼，寧願自己辛苦就算，由概念、造型、影相、執相都是自己搞掂最好。
